Preinscripción Curso Ágora on-line

A inscrición no curso Ágora en liña formalizarase en dúas fases: Preinscrición e Matrícula. A matrícula poderá efectuarse unha vez recibida a confirmación da admisión, que será notificada por correo electrónico. 

Prazo de Preinscrición: desde o 25 de maio ás 8:00 h ata o 12 de agosto ás 24:00 CET.

Prazo de Matrícula: Ata o 26 de agosto ás 24:00 CET.

CONDICIÓNS DE INSCRICIÓN

A inscrición no curso Ágora en liña está aberta a calquera persoa interesada, ata esgotar prazas.

A resolución de solicitudes resolverase atendendo aos seguintes criterios:

Persoal dos Concellos Ágora e da Deputación de Pontevedra

Persoas con vencello laboral e persoas con representación política dos Concellos Ágora e da Deputación de Pontevedra. Estas condicións acreditaranse mediante certificado do Secretario ou a Secretaria do concello correspondente ou certificado do Secretario da Deputación de Pontevedra, no que se indique cargo da persoa interesada con data non anterior a 2022.

Outros casos

O resto de solicitudes resolveranse por orde de inscrición ata esgotar prazas, con acceso preferente para as persoas domiciliadas na provincia de Pontevedra. 

A condición de persoa domiciliada na provincia de Pontevedra acreditarase mediante certificado de empadroamento ou ben mediante certificado do domicilio fiscal emitido pola Axencia Tributaria con data non anterior a 2022.

PREZOS DA MATRÍCULA: 

Matrícula xeral: 400 €, IVE incluido.

Matrícula reducida: 300 €, IVE incluido. Poderán acceder a este desconto as persoas colexiadas nalgún dos seguintes colexios profesionais: 

• Colexio de Enxeñería de Camiños, Canles e Portos. Galicia (CICCP).
• Colexio de Enxeñería Técnica de Obras Públicas. Galicia (CITOP).
• Colexio Oficial de Arquitectura de Galicia (COAG).
• Colexio Oficial de Arquitectura Técnica de Pontevedra (COATPO).

Esta condición acreditarase mediante Certificado de Colexiación con data non anterior a 2022.

Matrícula gratuita: Persoas con vencello laboral e persoas con representación política dos Concellos Ágora y persoal técnico da Deputación de Pontevedra.